Sut i Ymuno â'r Cynllun

Nod Cynllun Tro Da Benllech a'r Cylch yw darparu cludiant i aelodau sydd angen mynd i apwyntiadau gyda gwasanaethau meddygol, neu ar deithiau eraill.

Pwy all ymuno

I gael eich derbyn i'r cynllun, mae angen bodloni meini prawf penodol.

Yn gyntaf, mae gofyniad oedran: mae angen i chi fod yn 60 oed neu'n hŷn. Yna mae angen cludiant arnoch i wasanaethau iechyd.

Pa deithiau rydym yn eu cynnig

Mae gwasanaethau iechyd yn cynnwys:

• apwyntiadau ysbyty
• apwyntiadau deintydd
• apwyntiadau podiatreg
• apwyntiadau optegydd
• casglu presgripsiynau

Efallai y bydd gwasanaethau eraill ar gael, ond apwyntiadau iechyd sy'n cael blaenoriaeth. I wneud cais, ffoniwch ni ar y rhif ar waelod y dudalen hon.

Eich ymweliad asesu

Ar ôl i chi wneud cais am aelodaeth, bydd gwirfoddolwr o'r tîm asesu yn cysylltu â chi. Mae ein holl wirfoddolwyr wedi cael gwiriad DBS ac yn cario cerdyn adnabod.

Bydd dau aelod o'r tîm yn galw i'ch gweld i holi am unrhyw broblemau symudedd a gwybodaeth arall, megis eich iechyd yn gyffredinol.

Bydd yr aseswyr yn dweud popeth wrthych am y Cynllun. Byddant yn rhannu gwybodaeth am bwy i gysylltu â nhw i drefnu cludiant, costau ac ati, ac yn gadael taflen sy'n rhoi manylion am y system.

Bydd angen gwybodaeth am eich teulu a'ch perthynas agosaf, i gysylltu â nhw os bydd argyfwng. Mae'r wybodaeth hon yn gyfrinachol ac yn cael ei chadw mewn man diogel.

Costau

Mae cost i bob taith. Mae'r gost yn cynnwys y daith o'ch cartref ac yn ôl.

Rhaid i'r gyrrwr roi derbynneb i chi, a gedwir at ddibenion archwilio.

Gwybodaeth ddefnyddiol

Cadeiriau olwyn

Yn anffodus, ni allwn ddarparu ar gyfer cadeiriau olwyn. Os oes angen un, gellir trefnu bod un ar gael yn yr ysbyty, cyn belled â'ch bod yn gallu mynd i mewn ac allan o gar i gyrraedd yr ysbyty.

Gyrwyr yn dod gyda chi

Bydd y rhan fwyaf o yrwyr yn dod gyda chi i'ch apwyntiad os hoffech hynny.

Bathodynnau glas

Mae bathodynnau glas yn help mawr i'r gyrwyr.